LICENCIMI PËR ADMINISTRIMIN KOLEKTIV TË TË DREJTAVE TË AUTORIT
Ministria e Kulturës ka miratuar udhëzimin nr. 338, datë 2.6.2023, “Për përcaktimin e kritereve dhe procedurave për marrjen e licencës për administrimin kolektiv të të drejtave të autorit, ripërtëritjen e saj, si dhe përcaktimin e kritereve dhe procedurave për pezullimin dhe heqjen e licencës në zbatim të ligjit nr. 35/2016, datë 31.3.2016, “Për të drejtat e autorit dhe të drejtat e tjera të lidhura me to“, i ndryshuar (Udhëzimi), publikuar në Fletoren Zyrtare nr. 87, datë 02.06.2023.
Udhëzimi përcakton kriteret dhe procedurat për marrjen dhe rinovimin e licencës për administrimin kolektiv të të drejtave të autorit dhe të drejtave të tjera të lidhura me to, përfshirë edhe procedurën e pezullimit apo heqjes së saj.
Organizatat jofitimprurëse, përveç kritereve të përcaktuara në ligjin nr. 35/2016 “Për të drejtat e autorit dhe të drejta të tjera të lidhura me to”, i ndryshuar, duhet të plotësojnë edhe disa kritere të veçanta të tjera për:
licencimin
- disponon të drejtën e përfaqësimit të
mbajtësve të të drejtave;
- vërteton shprehjen e vullnetit për përfaqësim reciprok me agjencitë e huaja;
- disponon pajisje teknologjike dhe ekspertizë profesionale për kryerjen e funksioneve të saj;
- aplikon rregulla dhe mekanizma për shpërndarjen dhe pagesën e shpërblimeve, monitorimin e përdorimit të të drejtës së autorit dhe të drejtave të tjera të lidhura me to.
rinovimin
- zbaton aktet ligjore në fuqi në lidhje me
organizimin e brendshëm të personit juridik;
- depoziton raportin dhe bilancin vjetor;
- ka shlyer detyrimet për agjencitë simotra në kuadër të marrëveshjeve reciproke.
