Nëpunësi i mbrojtjes së të dhënave personale

Me hyrjen në fuqi të projektligjit “Për mbrojtjen e të dhënave personale” (2022), kontrolluesit dhe përpunuesit do të kenë detyrimin ligjor për të emëruar një nëpunës të mbrojtjes së të dhënave personale (“Nëpunës”) kur:

• përpunimi kryhet nga një autoritet ose organ publik, me përjashtim të gjykatave në kuadër të veprimtarisë gjyqësore;
• aktivitetet kryesore të kontrolluesit ose përpunuesit konsistojnë në veprime përpunimi të cilat, për shkak të natyrës, fushës së zbatimit dhe/ose qëllimeve të tyre, kërkojnë monitorim të rregullt dhe sistematik të subjekteve të të dhënave në një shkallë të gjerë; ose
• aktivitetet kryesore të kontrolluesit ose përpunuesit konsistojnë në përpunimin në një shkallë të gjerë të të dhënave sensitive ose të të dhënave penale (të dhëna personale në lidhje me dënimet dhe veprat penale ose masat e sigurisë që lidhen me to).

Nëpunësi ka disa detyra kryesore si:

• jep këshilla për organet drejtuese të

kontrolluesit ose përpunuesit;

• informon dhe këshillon stafin e kontrolluesit ose të përpunuesit në lidhje me mbrojtjen e të dhënave, duke përfshirë rritjen e ndërgjegjësimit dhe trajnimin e stafit të përfshirë në veprimet e përpunimit, dhe auditimet përkatëse;
• monitoron përputhshmërinë me këtë (projekt)ligj dhe raporton tek stafi drejtues;
• bashkëpunon dhe shërben si pikë kontakti për

Komisionerin për Mbrojtjen e të Dhënave, etj.

Nëpunësi i mbrojtjes së të dhënave mund të jetë një anëtar i stafit të kontrolluesit ose përpunuesit, ose i kryen detyrat në bazë të një kontrate shërbimi.

A R S L E G A L & F I N A N C I A L S E R V I C E S