NDRYSHIMET NË KODIN RRUGOR

Kuvendi i Republikës së Shqipërisë ka miratuar ligjin nr. 21/2023, Për disa ndryshime dhe shtesa në ligjin nr. 8378, datë 22.7.1998, “Kodi Rrugor i Republikës së Shqipërisë”, i ndryshuar. Ky ligj nuk është botuar ende në Fletoren Zyrtare.

Ndryshimet dhe risitë kryesore që sjell ky ligj janë:

• Mbajtësi i lejes së drejtimit të kategorisë B do të lejohet të drejtojë mjete motorike me fuqi maksimale 55 kw/tonë (referuar masës bosh të mjetit), ose 65 kw/tonë për makinat hibride elektrike ose plug-in (duke përfshirë peshën e baterisë), gjatë dy viteve të para të lëshimit të lejes së drejtimit.

Afatet e vlefshmërisë së leje drejtimit të mjetit

ndryshojnë si vijon:

• leja e drejtimit për mjetet e kategorive AM, A1, A2, A, B1, B dhe BE jepet për:
• 15 vjet, për personat deri në moshën 70 vjeç (nga 10 vjet për personat deri në 50 vjeç dhe 5 vjet për personat mbi 50 vjeç);
• për personat mbi 70 vjeç nuk përcaktohet një afat kohor, por parashikohet një konfirmim i vlefshmërisë së lejes së drejtimit, duke dorëzuar certifikatë mjekësore e cila vërteton aftësitë fizike e psikike të personit, siç kërkohen nga ligji (nga 3 vjet për personat mbi 70 vjeç).
• 5 vjet, për personat me aftësi të kufizuara, deri në moshën 65 vjeç (nga 5 vjet për personat deri në 60 vjeç);
• 3 vjet, për personat me aftësi të kufizuara, mbi 65 vjeç (nga 3 vjet për personat mbi 60 vjeç).
• leja e drejtimit për mjetet e kategorive C1, C1E, C, CE, D1, D1E, D dhe DE jepet për 5 vjet për personat deri në moshën 70 vjeç (nga 5 vjet për personat deri në 65 vjeç dhe 2 vjet për personat mbi 65 vjeç).
• leja e drejtimit për mjetet e kategorive C1, C1E, C dhe CE, për personat me aftësi të kufizuara jepet për:
• 5 vjet, për personat deri në moshën 65 vjeç (nga 5 vjet për personat deri në 50 vjeç dhe 3 vjet për personat mbi 50 vjeç);

Pas moshës 65 vjeç, këto leje nuk do të rinovohen

(e pandryshuar).

Shpejtësia maksimale e lejuar në autostradë rritet

nga 110 km/orë në 130 km/orë.

• Afati kohor për shlyerjen e gjobave ndryshon nga 5 (pesë) në 15 (pesëmbëdhjetë) ditë, nga dita që gjoba regjistrohet ose vendimi merr formë të prerë, me përjashtim të rasteve kur parashikohet gjobë në vend. Në rast se gjoba paguhet brenda 15 ditëve, gjoba ulet me 50% të vlerës.

A R S L E G A L & F I N A N C I A L S E R V I C E S