Paketa e Ndihmës për Daljen nga Statusi i Vendeve më Pak të Zhvilluara (WIPO/PUB/RN2025/6) është një udhëzues i përgatitur nga Organizata Botërore e Pronësisë Intelektuale për të ndihmuar vendet që po kalojnë nga statusi i vendeve më pak të zhvilluara drejt një faze më të përparuar të zhvillimit ekonomik dhe shoqëror. Kjo paketë ofron një kuadër të hollësishëm dhe praktik për trajtimin e sfidave ligjore dhe institucionale që lidhen me mbrojtjen e të drejtave të pronësisë intelektuale, duke u përqendruar veçanërisht në:
- Patentat;
- Dizajnet e qarqeve të integruara;
- Sekretet tregtare.
në përputhje me kërkesat dhe standardet e përcaktuara nga Marrëveshja për Aspektet Tregtare të të Drejtave të Pronësisë Intelektuale (e njohur si Marrëveshja TRIPS).
- Çfarë ofron kjo paketë?
–Udhëzime të qarta për përshtatjen e legjislacionit dhe politikave kombëtare në fushën e pronësisë intelektuale për të përmbushur detyrimet ndërkombëtare pas daljes nga statusi i vendit më pak të zhvilluar;
–Vlerësim të mangësive ligjore dhe institucionale në sistemet ekzistuese të mbrojtjes së pronësisë intelektuale;
–Rekomandime praktike për ndërtimin e aftësive institucionale dhe forcimin e mekanizmave për zbatimin e të drejtave të pronësisë intelektuale;
–Një mjet bashkëpunimi dhe koordinimi ndërmjet autoriteteve kombëtare dhe partnerëve ndërkombëtarë për të siguruar një kalim të suksesshëm drejt statusit të ri.
- Risitë dhe rëndësia e këtij botimi
– Për herë të parë, kjo paketë përqendrohet në nevojat e veçanta të vendeve që ndodhen në fazën e tranzicionit nga statusi i vendeve më pak të zhvilluara, duke reflektuar sfidat unike të këtij procesi;
– Përfshin një analizë të zhvillimeve më të fundit në fushën e pronësisë intelektuale, përfshirë edhe mbrojtjen e dizajnit të qarqeve të integruara, një fushë që më parë është trajtuar më pak;
– Nënvizon rëndësinë e gjetjes së një ekuilibri ndërmjet mbrojtjes së të drejtave të pronësisë intelektuale dhe nxitjes së zhvillimit ekonomik dhe inovacionit në vendet në tranzicion;
– Përditëson rekomandimet në përputhje me tendencat më kërkesat e organizatave ndërkombëtare në fushëntë reja globale dhe e pronësisë intelektuale.
Ky udhëzues është një mjet thelbësor për autoritetet shtetërore, sektorin privat dhe organizatat ndërkombëtare që punojnë për të mbështetur kalimin e suksesshëm të vendeve nga statusi i vendeve më pak të zhvilluara, duke ndihmuar në integrimin e tyre në sistemin ndërkombëtar të mbrojtjes së pronësisë intelektuale.
